Nakagawa ng sulat, uncle itinuro | GRADUATING STUDENT NI-RAPE NG 5, PINATAY SA LIKOD NG ISKUL

KARUMAL-DU­MAL ang sinapit ng 22-anyos na dalaga mula sa kamay mis­mo ng kanyang tiyuhin makaraang ga­hasain at patayin sa Parang, Ma­guin­danao, kamakalawa.

Natagpuan ang bangkay ng biktima na gradua­ting stu­dent sa isang bakan­teng lote malapit sa likod ng Pa­rang National High School.

Ayon kay Parang Muni­cipal Police Station Chief Lt. Col. Ibrahim Jambiran, puno ng sugat at pasa sa iba’t ibang bahagi ng katawan ang bik­tima na senyales ng ma­tin­ding paghihirap ang dinanas nito sa kanyang tiyuhin at apat na iba pang lalaki.

Sinasabing sinakal at kasabay ng pagbugbog ng mga suspek sa biktima hang­gang sa mamatay.

Nabatid sa report na na­diskubre pa ng mga awto­ridad ang isang sulat ng bik­tima para sa kanyang ina na nagsasa­bing siya ay ginahasa ng kanyang tiyuhin.

Sa follow-up operation ng pulisya ay nadakip ang dalawa sa limang suspek kung saan nasawi ang isa matapos gulpihin ng taum­bayan na nakaalam sa ma­lagim na sinapit ng bik­tima.

Nagpapatuloy pa ang operasyon ng mga awtori­dad laban sa tiyuhin ng bik­tima na natukoy lamang sa alyas Amir at sa dalawa pang kasamahan nito.