Mga sintomas ng atake sa puso

SHANE M. LUDOVICE, M.D / SABI NI DOC

Dear Doc. Shane,

Ang tatay ko ay 67 years old, marami na si­yang nararanasang pag­ba­bago sa kanyang edad, partikular sa kanyang kalusugan. Anu-ano ba ang mga sintomas ng atake sa puso? Ito kasi ang ikina­matay ng tiyuhin namin kaya nababahala kami sa madalas na idinara­ing ni tatay na panini­kip ng dibdib. — Virgie

Sagot

Ang atake sa puso o heart attack (medical: myocardial infarction) ay isa sa mga karaniwang sanhi ng pagkamatay sa buong mundo, maging sa Pilipinas. Ang sanhi nito ay ang kakulangan ng suplay ng dugo sa puso na nagdu­dulot sa pagkamatay ng laman (muscles) nito.

Ang puso ang nagsi­sil­bing bomba na nagsusup­lay ng dugo sa buong katawan ngunit, tulad ng alinmang bahagi ng katawan, ang puso ay nangangailangan ng tuluy-tuloy na suplay ng oxygen upang manatiling guma­gana. Kapag ang ugat na nagsusuplay ng dugo sa puso (coronary arteries) ay nabarahan ng taba at sobrang cholesterol at kulang na ang dugong dumadaloy sa puso, unti-unting mamamatay ang kalamnan nito hanggang sa manghina at maaaring tuluyang bumigay at ito ay puwedeng maging sanhi ng pagkamatay.

Narito ang ilan sa mga sintomas ng atake sa puso:

• paninikip ng dibdib

• gumagapang ang pana­nakit sa leeg, batok at mga braso

• pagpapawis, pagsu­suka at pagkahilo

• panghihina ng kata­wan at hirap sa paghinga

• iregular o mabilis na pagtibok ng puso

• panlalamig ng kata­wan

• pakiramdam na parang nasasakal

Gayunman, ang mga sin­tomas na nabanggit ay maa­aring maramdaman at tuma­gal ng 30 minuto o higit pa.