Mga kongresista, maka-Diyos... Diyos porsiyento!

IBINABALA na ang walang patid na pag-ulan.

Ang tawag d’yan ay “siyam-siyam”!

◘◘◘

NGAYONG panahon ng tag-ulan, uso ang sakit at isang klase ng herbal ang ipinapayo ng mga matatanda.

‘Yan naman ang “pito-pito”!

◘◘◘

INIHATID na sa huling hantungan noong Sabado ang labi ni Pareng Ariel Dim Borlongan tungo sa Dakilang Lumikha.

‘Ika nga ni Pareng Ariel nu’ng nabubuhay pa, “una-una” lang ‘yan!

◘◘◘

MARAMING pulitiko ang hindi natin malaman kung nasaan ang loyalty.

‘Yan naman ang “doble-kara”!

◘◘◘

BUWAN ng Bayani ngayon at ibinunsod ang rebolusyon ng tatlong dyornalistang sina Graciano Lopez- Jaena, Mariano Ponce at Marcelo de Pilar.

Sila ang orihinal na “trilohiya”!

◘◘◘

BAGAMAN, napatunayang bilog ang mundo, may mahirap ipaliwanag na maaaring magpatunay na “mas kuwadrado ito” taliwas sa ibang paniniwala.

Ang daigdig ay “may apat na sulok” hilaga, silangan, timog at kanluran kaya paano ito naging bilog?

◘◘◘

PINAKA-POPULAR na laro sa Pilipinas ang basketball, bakit?

Sapagkat ito ay “limahan”!

◘◘◘

BATAY sa numerolohiya, ang buntalang “Venus” ang umiiral sa numero sais, bakit?

Sapagkat ayon sa mga Bisoy, ito ay number “sex” (six)!

◘◘◘

ANO raw ang paborito kong sayaw?

Sabi ko ay “otso-otso”!

◘◘◘

HINDI totoong korup ang Kongreso dahil naniniwala sila sa “diyos”.

Panata nila ay: “diyos-porsiyento”.

Patunay na ang buhay ay malinaw na “de-numero”!

. .