Mga estudyante, nire-recruit na maging rebelde | DILG sa mga magulang: Bantayan ang mga anak ninyo!

RYAN B. SISON / BOSES

NANAWAGAN ang Department of In­terior and Local Government (DILG) sa mga magulang na doblehin ang pagba­bantay sa kanilang mga anak.

Ito ay kasunod ng isyu hinggil sa pagre-recruit umano ng maka-kaliwang grupo sa mga paaralan at unibersidad sa bansa kung saan nakababahala dahil marami na ring mga magulang ang humihingi ng tulong sa Senado dahil ang kanilang mga anak ay nawawala.

Gayunman, sa pahayag ni DILG Sec­re­tary Eduardo Año, aniya, ginagamit ng Com­munist Party of the Philippines-New People’s Army (CPP-NPA) ang ka­nilang front orga­ni­zation sa mga pa­aralan at pinapalitan ng mga ito ang pag-iisip at paniniwala ng mga estud­yante para sumapi sa kanilang grupo.

Samantala, alam nating marami sa mga ka­bataan ngayon ang madaling nauuto, lalo na kung kulang sila sa ta­mang gabay kung saan posible silang maligaw ng landas at ma­pasama sa mga taong walang magandang maidudulot sa kanilang buhay.

Dagdag pa rito, ayaw na nating ma­dagda­gan pa ang bilang ng mga nawawala kaya bi­lang paalala sa mga magulang dahil talamak ngayon ang ganitong sit­wasyon, tayo na mismo ang gumawa ng paraan para sila ay mailigtas at ma­ilayo sa anumang kapahamakan.

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.