Lola dedo sa landslide

ISANG 72-anyos na lola ang nasawi habang nasa kri­tikal na kondisyon ang kan­yang apo makaraan silang matabunan ng gumuhong lupa sa Benguet.

Naitala ang insidente alas-10:00 ng gabi ng Linggo sa Bgy. Upper Cotcot, Bu­guias.

Kinilala ang nasawi na si Gloria Rolando Langawan.

Ginagamot naman sa Lutheran Hospital ang kan­yang apong si Ben Rafael, 10.

Ayon kay Police Chief Master Sergeant Rogelio Pedro, natutulog ang mga biktima sa kanilang bahay nang mangyari ang pagguho.

Dead-on-arrival ang bik­tima habang agad namang nasagip ang bata ng ilang mga residente at rescue unit.

Maliban sa Buguias, na­kapagtala rin ng ilang mga in­sidente ng landslide sa Bo­kod, Benguet.

Nabatid na 19 katao ang inilikas sa mga pagguho ng lupa at dalawang bahay ang napinsala sanhi ng malalakas na pag-ulan dahil sa hagupit ng Habagat.