Isa pa sapol | 2 BATANG CITY JAIL NIRATRAT, UTAS

TODAS ang dalawa ka­tao habang isa ang sugatan na pawang mga miyembro umano ng Batang City Jail (BCJ) makaraang pagba­barilin habang nasa loob ng barung-barong, kahapon ng madaling-araw sa Tondo, Manila.

Dead-on-the-spot sina Her­win Tribidino, 19, ng Baseco Compound, Port Area at Allan Bautista, 19, helper, ng Temporary Housing, Aro­ma Compound, Tondo, sanhi ng mga tama ng bala sa iba’t ibang bahagi ng kata­wan.

Ginagamot naman sa Gat Andres Bonifacio Me­morial Medical Center si Reynaldo Delposo, 18, ng Ba­seco Compound, Port Area, dahil sa tama ng bala sa likod.

Batay sa imbestigasyon ng Manila Police District-Homicide Section, alas-4:00 ng madaling-araw habang nasa loob ng barung-barong sa Building 15, Temporary Housing, Aroma Com­pound, ang mga biktima at natutulog nang may kuma­tok.

Pinagbuksan umano ni Bautista ang kumakatok pero, bigla na lang silang pi­nag­babaril saka agad na tu­ma­kas, kasama ang isa pang la­laki na nagsilbi nitong look­out.

Inaalam pa ng pulisya ang pagkakakilanlan ng sus­pek at motibo ng krimen.