6 kulong sa shabu

ANIM na hinihinalang sangkot sa iligal na droga ka­bilang ang 21-anyos na dalaga ang arestado sa buy-bust operation sa magka­hi­walay na lugar sa Navotas City.

Ayon kay Navotas Po­lice Chief Col. Rolando Ba­lasabas, alas-6:30 ng umaga nang ikasa ng mga opera­tiba ng Station Drug Enforcement Unit sa pangunguna ni PLt. Eric Roxas ang buy-bust operation sa koordinasyon sa PDEA kontra kay Ernesto Valle alyas Onyok, 50, sa Area 1, Bgy. Dagat-Dagatan NBBS.

Agad sinunggaban si Onyok matapos tanggapin ang P300 marked money mula kay PCpl. Leopoldo Lumbang, Jr. na umaktong poseur-buyer at narekober sa kanya ang buy-bust mo­ney at isa pang sachet ng shabu.

Arestado rin sa operas­yon sina Philip Ongsitco, 40, truck driver; Mary Jane Bour­laos, 21, at Melchor Castro, Jr., fisherman, matapos ma­kuhanan ng tig-isang sachet ng hinihinalang shabu.

Nauna rito, timbog din ang magkaanak na sina Raymart Buenaventura, 25, at Percival Buenaventura, 35, matapos magbenta ng shabu kay Pat. Jose Flores na nag­panggap na buyer sa buy-bust operation sa Cadoring St., Bgy. BBN, alas-3:00 ng madaling-araw.

Ani SDEU Investigator Jaycito Ferrer, narekober sa mga suspek ang P300 buy-bust money, P200 bill at da­lawa pang sachets ng hini­hinalang shabu.