1,000 kalalakihan pinagdadampot | 2 PATAY SA RAID

PATAY ang dalawa ka­tao habang aabot naman sa 1,000 kalalakihan ang binitbit sa isinagawang Simultane­ous Anti-Criminality Law En­forcement Operation (SACLEO) ng pinagsanib na operatiba ng Philippine National Police (PNP), Ma­nila Police Sisteict (MPD) at Criminal Investigation Group (CIDG ) sa Baseco, Manila, kahapon ng hapon.

Alas-2:00 ng hapon nang salakayin ng mga awtoridad ang Baseco Compound bi­lang pagtugon sa direktiba ni Manila Mayor Francisco ‘Isko Moreno’ Domagoso na linisin ang Baseco.

Hindi pa nagbigay ng detalye sa dalawang lalaking napaslang na umano’y nan­la­ban nang tangkang bitbitin.

Ang operasyon ay pina­ngunahan ni PColonel Anto­nio Yarra.

Ayon kay Yarra, isasaila­lim sa beripikasyon ang lahat ng kalalakihan na binitbit sa basketball court. Aalamin na­man kung sangkot sa iligal na droga o may nakabimbing warrant of arrest.

Habang pauuwiin naman ang mga walang criminal record na nabitbit.

Patuloy pa rin ang ope­ras­yon ng mga awtoridad ha­bang isinusulat ang balitang ito.