‘Ika nga, “age doesn‘t matter”, besh! NANAGINIP NG AHAS NA MALILIIT; MAGKAKAGUSTO SA HINDI KAEDAD

Socrates Magnus

Salaminin natin ang panaginip ni Mary ng Mary_Lo@facebook.com

Dear Professor,

Ang panaginip ko ay maliliit na ahas sa damo. Kaya lang, nanunuklaw ito, pero mabuti at hindi ako natuklaw hanggang sa nagising na ako. Ano ang ibig sabihin nito?

Salamat!

Naghihintay,

Mary

Sa iyo Mary,

Alam mo, iha, iba na ang takbo ng buhay sa mundo nga­yon , lalo na sa larangan ng pa­kikipagrelasyon. Noon, hin­di magandang magka­gusto sa mas matanda o sa hindi kaedad dahil ang base­han ng compatibility noong unang panahon ay ang dapat na mag­karelasyon ay magka­sing-edad.

Kaya noon, kapag nag­kagusto ang lalaki sa mas ma­tanda sa kanya, sasabihin sa kanya, “ate mo na ako kaya tumigil ka!” Kapag naman ang babae ang nagkagusto sa mas matanda sa kanya, ili­lihim na lang niya kasi sasa­bihin niya sa kanyang sarili, “siya ay kuya ko na.”

Pero, iba na ang panahon ngayon dahil ang sabi, “In love, age doesn’t matter.” Kaya makikita natin na nag­mamahalan ang mga taong malalaki ang agwat ng edad.

Pero, alam mo, ang tunay na dahilan ay ang katoto­hanang mas nakaaakit ang may edad na babae kaysa sa mga simpleng dalaga.

Ma­hirap paniwalaan, pero ito ay lantad na katoto­hanan at ang isa pang totoo, kahit pa may asawa na, ang mga may edad na babae ay sobrang nakagagayuma.

Sa ganitong dahilan, ang sabi ng panaginip, ngayon at maaaring sa hinaharap, ang nagkakagusto sa iyo ay bata pa.

Ano kaya ang mangya­yari, magkaka-boyfriend ka ba ng mas bata sa iyo?

Ang sagot ay oo, pero sa huli ay magigising ka sa ka­totohanang mali pala o hindi tama ang sinasabing, “age doesn’t matter”.

Hanggang sa muli,

Professor Seigusmundo del Mundo