P5 milyong droga, nasabat

TINATAYANG nasa P5 milyong halaga ng shabu at marijuana ang nasamsam ng pulisya sa magkakahiwalay na anti-illegal drugs opera­tions sa Cebu City.

Sa bulubundukin at ta­gong lugar ng Bgy. Tagba-o nadiskubre ng mga awto­ri­dad ang nasa 11,200 ma­ri­juana stalks, kamakalawa.

Batay sa report, nasa P4.4 milyon ang halaga ng marijuana na binunot at si­nira ng mga tauhan ng City Mobile Force Company sa lugar mismo kung saan na­tagpuan ang mga ito.

Samantala, sa Bgy. La­bangon ay inilunsad naman ang drug-bust operation ng mga operatiba ng Drug En­forcement Group ng Cebu City Police Office (CCPO) na nagresulta sa pagkaka­dakip sa 23-anyos na pedi­cab driver na si Jason Dayap.

Nahulihan si Dayap ng 80 gramo ng shabu na nag­kakahalagang P500,000.

Ang naturang magkahi­walay na operasyon ng Cebu City Police ay bahagi ng ka­nilang Oplan Amazon.