Gov’t. agencies, anti-red tape at performance target ang dapat ipakita bago bigyan ng budget

SONNY ANGARA / AGARANG SOLUSYON

BILANG bagong talagang chairman ng Senate Committee on Finance, pangu­ngu­na­han natin ang pagdinig sa 2020 National Bud­get at titiyakin nating ma­ap­rubahan ito bago mata­pos ang taon.

Ito ‘yung mga panahong kaunting oras na lang ang itutulog at ipapahinga natin dahil mag­damag na hearing ang gugugulin natin sa Natio­nal Budget.

Hindi biro ‘yan dahil P4.1 trilyon ang pag-uusapan natin dito.

Ayaw na nating maulit ang nangyari noong 2019 National Budget na napag­tibay lang, apat na buwan na ang naka­lilipas sa kasalukuyang taon.

Sisikapin nating hindi mangyayari ulit ‘yun dahil maliban sa apektado ang eko­no­miya, la­long apektado ang mga kaba­bayan nating nangangailangan ng tulong ng gobyerno tulad ng 4Ps beneficiaries.

Nagpahayag ang Kamara na sa unang linggo ng Oktubre, sisikapin nilang tapu­sin ang pag­busisi sa National Budget, ma­a­apru­bahan ang General Appropriations Bill (GAB) at dadalhin sa Senado bago matapos ang Oktubre o sa unang linggo ng Nobyembre.

Para mas mabilis, habang dinidinig ang GAB, tayo sa Upper House, rerepa­suhin natin ang budget proposals ng iba’t ibang ahensiya ng gobyerno.

Pero, gusto muna nating tawagan ng pansin ang iba’t ibang government agen­cies na bago sila dumalo sa budget hea­rings, dapat ihanda at ilatag nila sa ko­mite ang kani-ka­nilang anti-red tape per­formance and targets.

Gusto nating mabusisi kung paano nila ipi­natutupad ang “ease of doing bu­siness” o EODB dahil dito natin mala­la­man kung na­ga­gawa nila nang mahusay ang kanilang tra­baho.

Mahigpit nating ipatutupad ito sa bud­get hearings dahil isa ito sa mga basehan kung da­pat aprubahan ang mga panu­ka­­lang budget ng bawat sangay ng gob­yerno.

May ilang ahensiya na aatasan nating bit­bi­tin ang kanilang “before and after” time­table na naglalahad sa kung paano sumaila­­lim sa ka­ni­lang proseso ang re­quested docu­ments ng kani­lang mga kli­yente at kung gaano ka­tagal bago ito ini-release sa requesting parties.

Paraan natin ito para matiyak na ipi­natu­tupad ng concerned government agen­cies ang anti-red tape program.

Sa ganitong paraan, iiksi na ang oras ng pag­hihintay sa requested documents, hindi pa tambak na dokumento ang ka­ka­ilanganin.

Hindi kailangan kung anu-anong do­kumento ang hinihingi sa ating mga ka­babayan.

Narito tayo sa public service hindi para pahi­rapan ang ating mga kababayan kundi para tulu­ngan sila sa kanilang mga panga­nga­ilangan.

Isa tayo sa mga may-akda ng RA 11032 o EODB. Sa ilalim ng batas na ito, ma­higpit na ipi­natutupad ang “3-7-20”.

Ibig sabihin, may tatlong araw na ulti­ma­tum ang ahensiya na tapusin at i-re­lease sa kanilang mga kliyente ang pi­nakasimpleng dokumento sa loob ng tat­long araw; pitong araw naman sa mas kum­plikadong papeles at 20 araw sa pina­kamasalimuot na dokumento.

Liban d’yan, isa rin tayo sa may-akda ng RA9485 o Anti-Red Tape Act. Ito ‘yung nagpa­patupad ng ‘no noon break’.

Ibig sabihin, hindi dapat mawalan ng empleyado ang government desk kahit oras ng pananghalian.

Walang siyesta, bawal ‘yan; ‘yan ang ba­tas kontra fixers; nag-aatas sa govern­ment em­plo­yees sa pagsusuot ng mali­naw na ID at ma­higpit na pagpapatupad sa citizen’s charter.