Marami nang namamatay sa dengue — Digong | BALIK-DENGVAXIA, OKS

BUKAS si Pangulong Rodrigo Duterte na muling ibalik ang paggamit ng kon­trobersiyal na Dengvaxia vac­cine kasunod ng idinek­larang dengue outbreak sa ban­sa.

Ayon sa Chief Execu­tive, hindi na nito kailangan pa ang mga dayuhan para sa­bihin kung ano ang kanyang gagawin.

Giit ng pangulo, batay sa anunsiyo mismo ng mga Fili­pino Scientist at mga doktor ay makatutulong ang mga ito sa kung ano ang kan­yang dapat gawin.

“Hindi ko pa nga mala­man, I have to hear… yes, I am open to the use of Deng­vaxia again. Maraming pa­tay na, it’s an epidemic. Now compare it vis-à-vis with those who died, I want to hear the words of the experts, doctors,” ani Pangu­long Du­terte sa panayam sa Malaca­ñang.

“And we have enough bright people here to tell us. I do not need foreigners to tell me, my own Filipino scientists and doctors would tell me what to do. I will be guided by their announce­ment,” pahayag pa ng pa­ngulo.

“Nakikita ko may epi­demic, eh, so ‘yung gusto mag­­­pa­bakuna. Kasi ‘yung anak ko dumaan ng vaccine, eh. She had a vaccination,” saad pa niya.

Una nang inirekomenda ni Iloilo 1st District Rep. Janette Garin, dating Health secretary, naiwasan sana ang dengue outbreak sa bansa kung ipinagpatuloy aniya ang naturang anti-dengue vaccine.