Mga barangay official, pasok sa GSIS

TAPAT, maasikaso at masayahin, ito ang ilan sa mga katangiang dapat nating taglayin bilang opisyal o empleyado ng gobyerno.

Walang lugar ang mga tamad, masungit at higit sa lahat, kurakot!

Bilang mga frontliner sa paghahatid ng basic government ser­vices sa taumbayan, kailangan nating maging solusyon at hindi konsumisyon.

Gayunman, hindi biro ang humarap sa iba’t ibang tao o grupo na may magkakaibang idinudulog.

Madalas, nasusubok ang haba ng pasensiya bilang public ser­vant at bilang tao na napapagod at nagkakamali rin.

Pero, kung may matatanggap sanang dagdag na benepisyo mula sa mismong gobyerno, sa palagay natin ay kaya pa nilang ma­ging mas produktibong kawani.

Tulad ng isinusulong na mapasama sa coverage ng Govern­ment Service Insurance System (GSIS) ang mga opisyal ng barangay mula sa tserman, kagawad, secretaries at treasurers.

Kung ramdam nila na sila mismo ay pinahahalagahan at tinu­tulungan, walang dahilan para hindi rin nila maihatid ang pare­hong pagmamalasakit sa mamamayan.