Dahil sa pera; mister bago nagpakamatay | MISIS AT 2 ANAK PINAGBABARIL SA ULO

ISANG mister ang sina­sabing nagpaka­matay mata­pos umanong patayin ang kan­yang misis at dala­wang anak, kamakalawa sa Para­ña­que City.

Kinilala ang mga bikti­ma na sina Dianne Cristel De Leon, misis ng suspek at mga anak na sina Margarita Sofia, 14, at Miguel Lorenzo, 9, ng Bgy. San Isidro.

Sinasabing nagbaril na­man sa sarili ang suspek na mister na si Manolo Benig­no. Sa naantalang ulat ng Southern Police District, alas-2:30 ng hapon nang ma­ganap krimen.

Ayon kina PSSg. Johnny Margate at PSSg. Gerry Mis­­lang, sa pahayag ng ka­sam­bahay ng pamilya na si Jacky Ogaliso, 52, huli ni­yang nakitang buhay ang mag-iina sa loob ng bahay bandang alas-12:00 ng tang­hali.

Inutusan umano siya ng among lalaki na bumili ng mantika sa grocery store, su­balit, pag­balik nito ay napan­sing sarado ang gate ng ba­hay.

Nakailang ulit siyang tu­mawag sa mga amo, pero wa­lang sumasagot na tiyem­po namang dumating ang ina ng ginang na si Te­resita Ma­tias kaya nagpasya ang da­lawa na tumawid sa bakod at dito nakita ang duguang bangkay ni Dianne Cristel sa loob ng sasakyan sa garahe na may tama ng bala ng baril sa ulo.

Nasa master’s bedroom naman ang wala ng buhay na ama at ng anak nitong si Mi­guel Lorenzo, samantalang, sa sofa sa sala nakita ang 14-anyos na dalagita na may tama ng bala sa ulo.

Sa isinagawang techni­cal investigation ng Scene of the Crime Operatives team ng SPD, na sinimulan ng alas-8:05 ng gabi at nagta­pos ng alas-10:07 ng gabi kama­ka­lawa, narekober sa pinangya­rihan ang caliber .45 pistol na may kasamang magazine at nagla­laman ng anim na bala at apat na basyo ng na­turang baril.

Idinagdag pa ng kasam­bahay na nakara­ranas ng pag­­­babago sa pag-iisip at emosyon ang suspek na si Manolo Benigno matapos umanong sumailalim sa ope­rasyon sa puso na isa sa tini­tingnang motibo ngayon ng mga awtoridad.

Posible rin umanong may kinalaman sa pera ang motibo dahil may quarterly medical check-up ang suspek sa pagamutan. Patuloy na nagsasagawa ng imbestigas­yon at inaalam ang tunay na motibo sa na­sabing insidente.