Dating Davao City Administrator | AVISADO, BAGONG ACTING BUDGET SECRETARY

ITINALAGA ni Pa­ngulong Rodrigo Duterte si dating Davao City Adminis­trator Atty. Wendel Avisado bilang acting secretary ng Department of Budget and Management (DBM).

Ito ang kinumpirma ka­hapon ni Executive Secre­tary Salvador Medialdea na nag­sabing papalitan ni Avisado si Acting Secretary Janet Abuel.

Si Avisado ay una nang itinalaga ni Pangulong Du­terte bilang Presidential As­sistant for Special Concerns sa Eastern Visayas para ma­ngasiwa sa resettlement ng mga pamilyang nasa­lanta ng Bagyong Yolan­da noong 2013.

Si Avisado ay nagsilbing city administrator mula 2004 hanggang 2010 noong alkalde pa lamang si Pa­ngulong Duterte.

Samantala, babalik na­man bilang undersecretary for legal affairs si Abuel na pansamantalang humalili kay dating DBM Secretary Ben­jamin Diokno na nahi­rang bilang governor ng Bangko Sentral ng Pilipinas.

Ipinaubaya naman ni Presidential Spokesman Sal­vador Panelo ang formal an­nouncement sa pagkakata­laga ni dating Director-Ge­neral of International Crops Research Institute for the Semi-Arid Tropics (ICRI­SAT) Dr. William Dar bilang kapalit ni Sec. Emmanuel ‘Manny’ Piñol sa Depart­ent of Agriculture (DA).

Ito’y matapos ihayag ni dating SAP at Senador ‘Bong’ Go ang pakaka-ap­point ni Dar sa DA.

Una nang lumabas ang report na si Dar ang inireko­menda kay Pangulong Du­terte ng ilang miyembro ng gabinete at mga kaalyadong senador bilang kapalit ni Piñol.

Bago ang appointment sa DA, nagsilbi si Dar bilang acting secretary for agricul­ture sa termino ng Estrada administration sa maikling panahon.

Si Dar din ang kauna-una­hang director ng Depart­ment of Agriculture’s re­search arm na kilala bilang Bureau of Agricultural Re­search.

Sa ngayon, wala pang inilalabas na appointment paper ang Malacañang kaug­nay sa pagkakatalaga nito sa bagong miyembro ng ga­bi­nete.