Adik sa sugal, kotse ng operator isinangla | GRAB DRIVER KARNAPER

ARESTADO ang isang Grab driver makaraan uma­nong tangayin at isangla ang ipinapasadang sasakyan ng kanyang operator.

Sa pahayag ng operator, ilang araw nang kulang o walang inire-remit na boun­dary ang 38-anyos na sus­pek.

Napag-alamang isang taon na itong Grab driver hanggang sa mabisto ng bi­yenan ng operator na ibi­nenta ng suspek ang ipinapa­sa­dang kotse sa halagang P27,000 sa Kawit, Cavite.

Narekober sa follow-up operation ang sasakyan mula sa 22-anyos na estudyanteng nakatira malapit sa isang casino.

Sinasabing isinangla ng suspek ang kotse nang ma­lulong ito sa sugal. Samantala, kinasuhan ng carnapping ang suspek. (BRT)