Tone-toneladang binakbak sa demolisyon, pinagkakitaan na?!

KA AMBO / BISTADO

APRUBADO na raw ang airport sa Bulacan.

‘Yan ang press release!

◘◘◘

KINOKONTRA ang deklarasyon ng Martial Law sa Negros Oriental.

Siyempre!

◘◘◘

AMINADO si Mayor Sara na type niyang palitan ang kanyang ama.

Pwes, siya ang magiging babaeng “Jojo Binay”.

Nangampanya nang maaga kaya naupakan din nang maaga!

◘◘◘

MARAMI ang nagtatanong, saan dinadala ang mga binabakbak sa bangketa at demolis­yon?

Tone-toneladang “junk” ang nakukumpis­ka sa demolisyon.

Dapat maimben­taryo at hanapin ito ng mga government auditors dahil isang klase ng pagnana­kaw sa gobyerno ang pagbebenta ng natu­rang “junks” nang hindi idina­raan sa maayos na proseso tulad ng subasta!

◘◘◘

MALAYA bang pinanakaw ng LGU o DILG sa task force demolition ang naturang junks na kinuha mula sa mga orihinal na may-ari?

Bakit hindi nagbibigay ng kaukulang resibo ang “task force” na nanghahablot, nagde-demolish sa naturang mga materyales lalo na ang mga bakal?

Isang motibo ng pagde-demolish ay para “manakaw” ng task force ang mga “personal na gamit” ng mga “nag-i-squat”!

◘◘◘

MAHALAGANG maglabas ng guidelines ang DILG sa maayos at tamang proseso sa “pagkuha” at “pag-dispose” ng naturang mga materyales mula sa “bawal na lugar”.

Dapat magbigay ng “resibo” ang task force na mag-i-explain sa “nakulimbat” nilang materyales”.

Matapos ito, magpakita sila ng mga “resibo o voucher” kung ibinenta o itinago nila sa bodega ang naturang mga materyales!

◘◘◘

May maayos bang imbentaryo ang LGU sa tone-toneladang bakal, yero at iba pa na nakulimbat ng task force?

Sino ang nakikinabang sa mga materyales na ito?

‘Yan ay dapat iulat ng DILG, ang maayos na disposal o pag-iimbentaryo!