Sapol ka, Gerald? SIGAW NI ANNE: NANG-IIWAN NG BABAE SA ERE, WA' 'WENTANG LALAKI!

Beth Gelena / BULGARY FILES

HINDI naniniwala si Anne Curtis sa “ghosting” na nauso sa show­biz dahil sa breakup nina Bea Alonzo at Gerald Anderson.

Wala raw kakuwenta-kuwentang lalaki ang basta na lang iniiwan sa ere ang girlfriend nang wala man lang closure.

Minsan na rin daw nangyari sa It’s Showtime host na ipinagpalit siya ng boyfriend noon sa ibang babae.

Pero, hin­di naman daw siya na-ghost dahil tala­gang kinompronta niya ang guy.

“Ako pa… away kung away talaga,” kuwento ni Anne.

Nu’ng una ay tine-text lang niya ang boyfriend at pinagsasabihan ng kung anu-anong masasakit na salita.

Until the end, naisip na niyang mag-iba ng num­ber nang sa ganu’n ay hindi na siya makontak ng ex-BF.

Ani Anne, “Masakit. I changed my number, tapos nagda-drive ako nang hindi ko alam kung saan ako pupunta.”

Para kay Anne, walang excuse ang infidelity.

Depende raw ‘yun sa bawat couple na kanilang pinagdaraanan at nagiging dahilan kung bakit na-attract ang guy o girl sa iba.

Ginawang example ni Anne ang sarili.

Aniya, “Like me, I have a crush on Gong Yoo. I have a crush on Park Bo Gum. Ang dami ko talagang crush!”

Accepted daw ng asawa niyang si Erwan Heussaff ang fangirling niya. Pero iba raw kasi ang paghanga sa panga­ngaliwa.

“So, I don’t think there’s anything wrong with having a crush on someone. But at the end of the day, when you cross that line, it will always be wrong,” esplika pa ng TV host-actress.