14 timbog sa droga

NASA 14 hinihinalang sangkot sa iligal na droga ang arestado sa magkahiwalay na lugar sa Valenzuela City.

Sa ulat na natanggap ni Valenzuela Police Chief P/Col. Carlito Gaces, alas-2:40 ng madaling-araw nang mag­sagawa ng buy-bust opera­tion ang Station Drug En­force­ment Unit sa pangu­nguna ni P/Capt. Segundino Bulan, Jr. sa M. H. del Pilar St., Pa­lasan, na nagresulta sa pag­kakaaresto kina Angelito Ma­nalaysay, 45, at Ma. Cristina Paskin, 32, matapos mag­benta ng shabu kay Pat. Kenneth Terrenal na umak­tong poseur-buyer at Jenny­lyn Marcos, 30, Michelle Ranin, 50, at Jover dela Cruz, 43, na naaktuhang nagsa-shabu. Ani SDEU Investi­gator PSSg. Carlos Erasquin, Jr., narekober sa mga suspek ang P200 buy-bust money, P200 bill, 4 sachets ng shabu, dalawang nakabukas na sachets na may bahid ng sha­bu at drug para­pher­nalias.

Nauna rito, ala-1:30 ng madaling-araw nang ma­damba rin ng mga operatiba ng SDEU Team 4 sa pangu­nguna ni PEMSg. Noel Bar­nedo sa buy-bust operation sa koordinasyon sa PDEA sa 155 Pio Valenzuela St., Ma­rulas sina Darell Mira­flor, 26; Marc Joseph Louis Chica, 18; Pedro Sandiego, 51; Richard Sanjuan, 25, at Ryan dela Rama, 27. Ayon kay PCpl. Christopher Quiao, nakuha sa mga sus­pek ang P200 buy-bust mo­ney, P400 bill at 4 sachets ng shabu.

Timbog din ng mga operatiba ng SDEU Team 3 sina Joshua Tavera, 22; Patrick Amante, 19; John Robert Pasaylo, 19, at Fran­cisco Balila, Jr., 44, sa buy-bust operation sa Area 4, Dumpsite, Pinalagad St., Malinta, alas-4:30 ng ma­daling-araw. Ani PCpl. Pa­me­la Joy Catalla, na­kumpiska sa mga suspek ang P200 buy-bust money, P200 bill at anim na sachets ng shabu.