Mga mambabatas, iba pang pulitiko kinikilan | PEKENG CONGRESSMAN, 2 PA ARESTADO

ARESTADO ang lala­king nagpakilalang congress­man mula sa Camarines Sur at dalawang iba pa dahil umano sa pangingikil sa ilang mga kongresista at senador at maging kay Cavite Vice- Governor Jolo Revilla.

Nakilala ang mga sus­pek na sina Dennis Jose Bor­bon, Edgar Paulo Bularan at Meynard Greg Basa.

Sa press briefing ni PNP Chief General Oscar Alba­yalde, sinabi nito na dinakip sa magkakahiwalay na en­trapment operation ang tatlo.

Ayon kay Albayalde, ti­na­wagan umano ni Borbon si Revilla sa kanyang cell­phone kasabay ng pagpapa­kilala nito na siya ay si Ca­marines Sur Rep. Arnulf Bryan Fuentabella.

Batay sa naisumiteng report, sinabi ng suspek na si Borbon kay Revilla na na­wala umano ang kanyang wallet sa isang private trip patungong Coron, Palawan at nanghihingi ng P25,000.

Sa pagdududa, personal na tinawagan ni Revilla si Rep. Fuentabella at dito la­mang nalaman na hindi ito tumawag sa kanya.

Agad na isinumbong ni Revilla ang insidente sa PNP-Anti-Cybercrime Group para ma­tukoy at ma­sakote si Bor­bon.

Isinagawa ang entrap­ment operation kay Basa pa­sado alas-7:00 ng gabi ng Martes matapos tanggapin nito ang P10,000 galing kay Revilla sa pamamagitan ng local remittance center sa Ca­marines Sur.

Habang sina Borbon at Bularan ay natimbog naman alas-12:55 ng tanghali nitong Miyerkules habang kinoko­lekta ang P15,000 mula sa ATM sa Malabon City.

Nabatid naman sa toto­ong Fuentabella sa magka­samang pulong-balitaan sa Camp Crame, nasa walong kongresista at walong sena­dor ang naghayag na sila ay biktima rin ng mga sus­pek sa pangingikil.