Anak ng may-ari, tiklo | GUEST NG HOTEL, BINIBIDYO HABANG NALILIGO

HULI sa CCTV ang umano’y pambo­boso sa isang turista sa tinutuluyang hotel sa Boracay.

Batay sa ulat, napansin ng biktima na bukas ang bintana ng banyo at may camera ng cellphone na nakatutok sa kanya.

Kaugany nito, tiningnan ng mga awtoridad ang CCTV recordings ng hotel at doon nila nakita ang suspek na anak umano ng may-ari ng establisimyento, na gumagawa ng kalaswaan habang kumukuha ng video ng biktima mula sa labas ng banyo.

Itinanggi naman ng suspek na kinukunan niya ng video ang hubad na babae.

Samantala, hindi na nakapagsampa ng kaso ang biktima dahil hindi na rin siya nakabalik sa isla para sa inquest proceedings.

Kaugnay nito, pinalaya ng pulisya ang suspek dahil lumagpas na sa reglementary period of detention at hindi nakapagsampa ng kaso ang biktima.(BRT)