Riding-in-tandem na isnatser, gumagala
- Gina Plenago
- Aug 1, 2019
- 1 min read
NABIKTIMA ng dalawang isnatser na magkaangkas sa motorsiklo ang isang Chinese sa Makati City, kamakalawa ng gabi.
Kinilala ang biktima na si Lin Ding, 24, dalaga, ng Bgy. Poblacion, Makati City. Inaalam pa ng mga awtoridad ang pagkakakilanlan ng riding-in-tandem.
Sa ulat ng Makati City Police, naganap ang snatching sa kahabaan ng Nicanor St., Bgy. Poblacion, alas-11:30 ng gabi.
Naglalakad mag-isa ang dayuhan nang biglang sumulpot at lapitan siya ng mga suspek na nakamotorsiklo hanggang sa hablutin ang kanyang bag na naglalaman ng mga ID, wallet na may P30,000 cash at dalawang cellphones.
Patuloy ang isinasagawang follow-up operation ng mga awtoridad para sa ikadarakip ng mga suspek.
Comments