500-M PHL DRAGON BOAT CLUB SUMAGWAN NG GOLD SA INDONS

NAG-UWI na naman ng panibagong karangalan ang koponan ng Philippine Dragon Boat sa 1st Kampar International Dragon Boat Festival nitong nakalipas na Hulyo 18-21 sa Indonesia.

Wagi ang koponan ng Rowers Club Philippines (RCP) Sea Dragons ng isang ginto at tatlong tansong medalya nang higitan nila ang 20 international clubs mula sa Malaysia, China, Hong Kong, Taiwan, Canada, Australia, Kenya, Singapore at Estados Unidos.

Sinagwan nila ang gintong medalya sa 500m International Premier Women’s Small Boat, habang natangay nila ang unang tanso sa 500m International Premier Mixed Small Boat at 500m Inter-Nations Mixed Small Boat. Ibinulsa rin nila ang ikalawang tanso sa 500m International Premier Mixed Standard Boat at 500m Inter-Nations Open’s Small Boat. Samantala, pumang-apat sila sa 500m International Premier Open’s Small Boat.