Mga adik sa FB, Instagram etc., read n'yo 'to... socmed, nakakapagpababa ng tiwala sa sarili

SELF-ESTEEM, na­pakaraming tao ang na­mumroblema sa pagka­ka­roon ng ma­babang self-es­teem. Ito ang attitude na pi­no-project natin sa ating sarili at self-worth. Kung paano natin tingnan at pa­halagahan ang ating sa­rili, na­ka­a­apekto ito sa ating be­ha­vior.

Ayon sa mga eks­perto, ang mga taong may maba­bang self-esteem ay mas pinipiling ma­pag-isa at na­gi­ging lapitin ng stress. Hindi la­mang phy­sical ap­pea­rance ang naa­apektuhan ng self-esteem kundi ma­ging ang pananaw natin sa ating sarili.

May kasabihang “you can’t change your past, but you can change your thoughts”.

Paano nga ba mai-im­prove ang self-esteem?

1. HUWAG MONG HUSGAHAN ANG IYONG SARILI. Ayon sa All4Women, pananalamin ang magandang panimula para rito, pero, sa kasama­ang-palad, may ilang tao na puro kapangitan lamang ang nakikita sa sarili tuwing na­nanalamin. Sa tuwing nana­nalamin tayo, makatutulong ang pagngiti at pagkilatis sa magagandang parte ng ating sarili sa harapan ng salamin. Kapag madalas natin itong ginagawa, maitatanim na ito sa ating isip at makatutulong ito para ma-boost ang ating self-esteem.

2. HUWAG MONG IKUMPARA ANG SA­RILI MO SA IBA. Dahil sa social media, napananatili ang koneksiyon sa ibang tao at minsan, ang koneksiyong ito ay nakapagdudulot din ng negatibong epekto sa ibang tao. Sa pamamagitan ng social media, madaling maipakikita sa buong mun­do kung gaano na kalayo at katayog ang nararating sa buhay ng indibidwal. Puno ng highlight reels ang mun­do ng social media at ito ay maaaring makaapekto sa mga taong mayroong maba­bang self-esteem dahil ma­giging dahilan ito para mai­sip nilang mababa sila sa oras na ikumpara nila ang ka­nilang sarili sa mga walang katapusang payabangan sa social media.

Tandaan nating ang re­ya­lidad ng buhay ang ikinu­kumpara natin sa mundo ng filters, photoshop at prakti­sadong selfies. Kaya, sey ng experts, limitahan ang pag­ga­mit ng social media.

3. HU­WAG KANG MAGTAGO SA LIKOD NG MAS­KARA. Patok ito sa mga kabataan dahil kara­mihan sa atin ay natatakot magpaka­to­­too sa sarili, kaya nagta­tago sa likod ng mas­kara. Ang ganitong ga­wain ay hindi makatutulong para makilala at matanggap natin ang tunay nating pagkatao. ‘Ika nga, be yourself!

4. HUWAG MONG ABUSUHIN ANG SA­RILI MO. Sa tuwing naka­raranas tayo ng low self-es­teem, nawawalan tayo ng ga­nang mag-ayos, lalo na kung feeling natin ay wa­lang magbabago kahit pa mag-ayos tayo kaya mada­las na inaabuso natin ang ating sarili sa iba’t ibang pa­raan tulad ng pagsubsob sa gawain para hin­di na tayo mag­ka­roon ng oras ting­nan ang ating sarili sa sala­min. Pero, hindi makatutu­long ang pang-aabuso sa sa­rili dahil magbubunga la­mang ito ng negatibong epek­to hin­di lamang sa emosyon kundi maging sa kalusugan.

Ang pag-a-unwind at pag-treat sa sarili tulad ng pag­kain ng pa­boritong pag­kain, pagpunta sa lugar na gus­tong punta­han at pagbili ng gustong bilhin ay maka­tu­tu­long para ma­ging ma­saya tayo.

Oh, ayan mga lodi, sabi nga sa kanta, love yourself, ga­yundin, ayon kay psycho­lo­gist Leon Seltzer, mahalin mo ang sarili mo at pahala­ga­han para mahalin ka ng ibang tao. Tigilan na natin ang pagiging negatron at pa­lakasin natin ang optimism para magkaroon tayo ng sa­pat na kumpiyansa sa sarili. Okay?