Endangered species, iba’t ibang uri ng isda nasabat | 6 dayuhan at 3 pinoy, timbog

ANIM na Indonesian nationals at tatlong Pinoy ang dinakip ng mga operatiba ng Special Operations Unit (SOU) ng PNP-Maritime Group matapos masabat sa kanila ang iba’t ibang uri ng isda na karamihan ay pawang endangered species na iligal na hinuli sa karagatang sakop ng Tawi-Tawi, kamakalawa.

Kabilang sa mga nasamsam ay mga pating na kabilang sa endangered species na nanganganib nang maubos sa karagatan.

Batay sa report ng Maritime police, nadakip ang 9 personalidad kabilang ang anim na dayuhan at tatlong Pinoy na sakay sa foreign vessel ilang saglit nang makapasok ito sa Philippine Territorial waters sa bahagi ng Tawi-Tawi. Nasa kustodiya na ng Maritime group ang mga ito at nakatakdang sampahan ng kaukulang kaso.