Dagdag-bawas sa presyo ng gas

MAGPAPATUPAD ng dagdag-bawas sa presyo ng petrolyo ngayong araw.

Sa anunsiyo ng Pilipinas Shell, epektibo alas-6:00 ng umaga, magtataas ng 15 sen­timos sa kada litro ng diesel at 10 sentimos sa kerosene kasabay ang P0.95 na bawas-presyo sa gasolina.

Hindi naman nagpahuli ang Petro Gazz na nagpatu­pad ng kaparehong taas-presyo sa diesel at bawas-presyo sa gasolina.

Matatandaang, kamaka­lawa ng umaga nang unang magpatupad ng bawas-presyo sa halagang P1.00 sa gasolina ang Phoenix Petro­leum at wala namang pagga­law sa presyo ng diesel nito.

Ang bagong price ad­jusment ay kaugnay sa pag­galaw sa presyuhan ng la­ngis sa pandaigdigang pami­li­han.