15-anyos nalunod sa tubig-ulan, dedo

NALUNOD at namatay ang isang binatilyo habang nagpapraktis na lumangoy sa isang malalim na hukay na puno ng tubig-ulan sa Argao, Cebu, noong Sabado.

Dead-on-arrival sa ospi­tal si alyas Chester, 15-an­yos.

Batay sa nakuhang re­port kay Police Staff Ser­geant Alejandro Dayaganon, alas-2:00 ng hapon nang ma­lunod ito sa hukay na puno ng tubig-ulan na tinatayang nasa mahigit anim na talam­pakan ang lalim sa Sitio Bac­lao, Bgy. Mabasa.

Napag-alaman sa imbes­tigasyon na nagpapraktis umanong lumangoy ang bik­tima kasama ang tatlo pa nitong pinsan nang maganap ang insidente.

Sa una ay nasa mababaw lamang umano na bahagi ng tubig lumalangoy ang bik­tima hanggang sa mapadako sa malalim.

Binakuran na ng mga awtoridad ang palibot ng hu­kay at binawalan na rin ang mga residente na mag­tungo sa lugar.