Lotto, kaya ipinatigil ni P-Duterte | Mga pinoy, adik sa sugal

NALULONG na umano ang mga Pi­lipino sa sugal.

Ayon kay Presidential Spokesman Salvador Panelo, ito ang isa sa mga dahilan kaya ipinatigil ni Pangulong Rodrigo Duterte ang Lotto at iba pang gaming operations sa ilalim ng Philippine Charity Sweepstakes Office (PCSO).

Hindi na umano nakabubuti sa lahi ng mga Pilipino ang malulong sa sugal at masyado nang umaasa rito.

“For now, the corruption is massive. He does not want it to continue. Besides, the president believes that gambling is not good for our nation. We have become addicted to that system,” ani Panelo.

Hamon kay Digong | jueteng, next!

AMINADO si Senador Panfilo Lacson na bilyun-bilyong piso na kita umano mula sa Small Town Lot­tery ng Philippine Charity Sweep­stakes Office ang napupunta lamang sa bulsa ng mga pulitiko, pulis at opis­yal ng naturang ahen­siya.

Ayon kay Lacson, su­por­tado nito ang alegasyon ni Pangulong Rodrigo Du­terte sa malawakang korup­siyon sa PCSO dahilan upang tuluyang ipasara ang mga gaming operation.

“When the regular jue­teng collections of, at least, P200 million a day or P73 billion a year in the NCR, CAR and Regions 1 to 5 alone translate to a mere P4 billion income for the PCSO from Small Town Lottery (STL) operations, a big chunk of which is not even in cash remittances but recor­ded as collectibles,” paliwa­nag ni Lacson.

“We do not need an Al­bert Einstein to figure out how much goes to the indi­vidual pockets of STL fran­chise holders, corrupt poli­ticians, policemen and PCSO officials,” dagdag pa ng senador.

Giit pa ni Lacson, bale­wala lamang kahit ilang beses pa magpatawag ng mga pag­dinig kung patuloy namang nakalahad ang kanilang mga palad para sa mga padulas na pera mula sa pagsusugal.

“The fact is, illegal jue­teng merely masquerades as legitimate STL operations, 7 days a week, without fail, whose kubrador are armed with PCSO IDs to avoid arrest by the police who may be co-opted anyways,” dag­dag pa ng mambabatas na dating hepe ng Philippine National Police (PNP).

Matatandaang, si Lac­son ang chairman ng Senate Committee on Games and Amusement na nagsagawa ng imbestigasyon noong Enero 2018 tungkol sa uma­no’y bumabalot na korup­siyon sa small-town lottery operation ng PCSO.