Abangan ang bangayan ng mga mambabatas!
BANGAYAN NG MGA KONGRESISTA AT SENADOR, ABANGAN! —Isinulong ni Cagayan de Oro City Rep. Rufus Rodriguez na dagdagan ng isang taon ang termino ng mga kongresista at local official na nagwagi noong nakaraang eleksiyon. Ibig sabihin, magiging apat na taon na ang kanilang termino at babawasan naman daw ng dalawang taon ang anim na taong termino ng mga senador at gawin na lang itong apat na taon.
Dagdag-termino sa mga kongresista at local official, samantalang, bawas-termino naman sa mga senador? Aba, gulo ‘yan! At dahil d’yan, asahan nang magbabangayan ang mga kongresista at senador sa isyung ito, abangan!
◘◘◘
BAKA MAGLABAN-BAWI NA NAMAN SI SEC. LORENZANA —Ibinulgar ni Defense Sec. Delfin Lorenzana na may pangyayari raw na apat na beses dumaan sa West Philippine Sea (WPS) ang mga barkong-pandigma ng China nang walang abiso sa Philippine government.
Baka maglaban-bawi na naman si Sec. Lorenzana sa statament niyang ‘yan kapag nasita siya ni P-Duterte, kasi noon, siya rin ang nagbulgar na binangga raw ng Chinese vessel ang bangkang-pangisda ng mga Pilipino sa WPS, pero nang masita ng pangulo, nag-iba na ang statement niya, hindi raw pala binangga kundi aksidente lang daw ang nangyari, boom!
◘◘◘
SA PAGSASARA NG MGA PASUGALAN NG PCSO, HAPPY ANG MGA JUETENG LORD—Ngayong sarado na ang mga palaro o pasugalan ng PCSO, tiyak na mayroong mga nagsisipaglundagan sa tuwa.
Ang mga naglulundagan sa tuwa, siyempre, ang mga jueteng lord, mga buwisit!
Comments