P100-k botcha na karne ng kambing at manok, nasamsam
- Mylene Alfonso
- Jul 27, 2019
- 1 min read
UMABOT sa P100,000 halaga ng botcha ang nasamsam ng mga tauhan ng Manila Veterinary Inspection Board (VIB), kamakalawa ng umaga sa ilang pamilihan sa Maynila.
Ipinakita ng VIB kay Manila Mayor Francisco ‘Isko Moreno’ Domagoso, ang 105 kilograms ng karne ng kambing na nagkakahalagang P84,000 at 167 kilograms ng manok na nagkakahalagang P21,000.
Ayon kay Dr. Nick Santos, ang mga botcha na manok ay nasamsam sa Pampanga Market sa Tondo sa isinagawang inspection alas-6:00 ng umaga.
Habang sa Aranque Market sa Sta. Cruz nakumpiska ang mga botcha na karne ng kambing alas-3:30 ng madaling-araw.
Comments