‘Di man kalakihan ang idaragdag Umento sa suweldo ng mga guro, may pag-asa!

SONNY ANGARA / AGARANG SOLUSYON

NOONG Lunes, July 22, muling nag-ulat si Pangulong Rodrigo Duterte sa sambayanang Pilipino tungkol sa achieve­ments, mga plano at nagawa ng kanyang administrasyon sa pam­amagitan ng kanyang State of the Nation Address o SONA.

Sa ikalawang pagkakataon, hindi inulan ng pagmumura ang kanyang SONA kumpara sa naunang dalawa. ‘Ika nga ng suki nating barbero na tagahanga ng pangulo, “mabuti naman”.

Tulad ng inaasahan, straight forward ang pangulo sa kanyang pananalita lalo na sa pag­babanta sa mga korup na opisyal.

Kilala natin ang pangulo na walang sina­santo kahit kaibigan.

Ilang ulit na rin niyang napatunayan ‘yan na basta involved sa korupsiyon ga­anuman kalapit ang kanilang pagka­kaibigan, pasensiyahan na lang dahil si­sibakin talaga sa puwesto at kaisa tayo ng pangulo pagdating sa pagba­sura sa korupsiyon.

Bilang lingkod-bayan, dapat mapana­tili natin ang kalinisan at katapatan sa serbisyo.

Dahil kung maayos ang ating panu­nungkulan, mga kababayan natin ang mapapabuti.

Pinasaringan din ng pangulo ang mga go­vernment agency na pabaya sa tra­baho at ‘yung mga napakabagal ng ser­bisyo kung saan mayroon tayong mga nababalitaang reklamo na “hindi raw magandang ugali” sa government agen­cies na pinahihirapan ang mga kliyente — ‘yung mga pinababalik-balik at pina­pagod ang mga tao kahit matatanda o galing sa probinsiya, mali ‘yan!

Sana naman, baguhin natin ang ganyang sistema. Narito tayo para ma­katulong at hindi para magbigay ng dag­dag-problema sa mga kababayan natin.

Ang kabuuang SONA ni Pangulong Du­terte, masasabi nating “well-curated” dahil talagang tinumbok niya ang mga gustong ma­rinig ng tao.

Isa sa pinakahihintay nating banggitin niya ay ang salary hike sa mga guro. Isa ito sa mga panukalang-batas na isinusu­long natin sa Se­nado kaya nabigyan tayo ng pag-asa sa kan­yang sinabi.

Sabi niya, hindi man daw kalakihan ang idaragdag, tiyak na nakatutulong ito sa ka­nilang pang-araw-araw na gastusin.

Mayroon tayong proposed bill, ang Senate Bill 131 kung saan layunin nitong madoble ang natatanggap na suweldo sa entry-level ng mga teacher.

Ang SG 11 Step 1 sa teachers ay tuma­tanggap lang ng buwanang P19, 077, pero kung maisasabatas ang panukala, tatalon ito sa P36, 409 kada buwan na patuloy na­ting ipaglalaban ngayong ika-18 Kongreso.

Ang inyong lingkod, minsan ay naging isa ring guro kaya alam natin ang hirap at sakri­pisyong dinaranas nila.

Sana, pahalagahan natin sila at kila­lanin sa pamamagitan ng maayos na pa­suweldo at be­nepisyo.

Sa kabuuan, ano raw ba ang reak­siyon natin sa SONA ng pangulo? Simple lang, umaksiyon tayo at magtrabaho!