Death penalty, anti-mahirap, pro-big- time drug lords

PABLO L. HERNANDEZ III / PRANGKAHAN

KAPAG IPINASARA ANG LAND BANK, KASAMANG MA­PA-PADLOCK ANG PERA NG MGA DEPOSITOR — Nagbanta si P-Duterte na ipasasara niya ang Land Bank of the Philippines kapag hindi ito nakapagbigay nang maayos na serbisyo sa mga magsasaka.

Naku, kawawa naman ang mga depositor sa Land Bank kasi tiyak kasama ang pera nilang mapa-pad­lock kapag itinuloy ang pagpapa­sara, saklap!

◘◘◘

AYUSIN MUNA ANG JUSTICE SYSTEM BAGO ISULONG ANG DEATH PENALTY — Pursigido ang mga kongresista at senador na sun­din ang utos ni P-Duterte na ibalik na ang death penalty sa bansa.

Hay naku, sana, bago ito isabatas ulit ay ayusin muna ng mga mamba­batas ang justice system sa bansa. Baka kasi mahihirap at walang ko­neksiyon lang sa gobyerno ang su­nud-sunod na ipabitay dahil kung pagbabasehan ang mga nangyayari ngayon, ang mga maralitang adik at tulak lang ang napapatay sa drug war, pero ang mga sangkot sa pusli­tan ng tone-toneladang shabu ay may mga puwesto ngayon sa gobyerno, buwisit!

◘◘◘

MGA KUBRADOR NG LOT­TENG, MGA TULAK DIN DAW NG SHABU SA TONDO — Nag­tutulak din daw ng shabu ang mga kubrador ng lotteng nina “Jun Mo­riones” at mag-asawang “Ra­mon” at “Medy” sa Tondo, Manila.

Tingnan natin kung kayang ipa­tokhang ni Mayor Isko Moreno ang mga iligalistang ito, abangan!