Dagdag-tax sa yosi at vape, pirmado na — DUTERTE

PIRMADO na ni Pa­ngulong Rodrigo Duterte ang Republic Act 11346 o ang pagpapataw ng mas mataas na excise tax para sa mga tobacco product.

Ito ang kinumpirma ni Executive Secretary Salva­dor Medialdea na layuning protektahan ang kalusugan ng mga Filipino at makako­lekta ng dagdag na revenue para sa implementasyon ng Universal Health Care Act.

Batay sa batas, P45 na ang kada kaha ng sigarilyo pagsapit ng January 1, 2020; P50 sa 2021; P55 sa 2022 at P60 per pack simula sa January 1, 2023. Aabot na­man sa P10 ang buwis sa kada 10 milliliters ng vaping liquids. Nabatid na bahagi ng tax reform package 2 ng admi­nistrasyon ang pagtataas ng excise tax sa mga produk­tong sigarilyo.

Pinuri at pi­na­salamatan naman ni Se­n. Sonny Angara, dating chairman ng Ways and Means Committee ang pag­pirma ng pangulo sa natu­rang batas.