BANGGAANG E-PAINTERS AT BEERMEN KASADO SA SEMIS

SAMPA sa semifinals ang Rain or Shine Elasto Painters matapos nilang patalsikin ang Blackwater Elite, 85-83 sa Game 3 PBA Commissioner’s Cup best-of-three quarterfinals kagabi sa Araneta Coliseum.Kumayod si Rey Nambatac ng 21 points upang akbayan ang Elasto Painters sa susunod na phase kung saan makakalaban nila ang San Miguel Beer sa best-of-five semis.Maagang nagpakita ng gilas ang Elite, hinawakan nila ang seven-point lead, 45-38 sa halftime. Bahagyang dumikit ang Elasto Painters sa third, humablot ng 27-24 para ibaba sa apat na puntos ang hinahabol, 65-69 papasok ng fourth. Nanatiling lumaban ng sabayan ang Rain or Shine sa payoff period kaya nakuha nila ang matamis na panalo. Samantala, simula na ang giyera sa pagitan ng top seed TNT KaTropa at crowd favorite Barangay Ginebra Gin Kings.Maghaharap ang KaTropa at Gin Kings sa best-of-five semifinals matapos nilang patalsikin sa quarterfinals ang kanilang mga nakatunggali.Aminado si Ginebra head coach Tim Cone na mapapalaban sila ng todo sa TNT.

“They have been the number one seed all the way through,” saad ni Cone. “Alaska was the first team to expose their weakness but up to that point, they’ve been pretty much unbeatable,” Pinagpag ng Gin Kings ang Magnolia Hotshots, 106-80 noong Martes, hindi nila pinasagot ang kanilang kalaban sa kanilang race-to-2 quarters.Pinatalsik ng KaTropa ang Alaska Aces, 104-93 noong Miyerkules. Huhugot ng puwersa si Cone kina import Justin Brownlee at locals Japeth Aguilar, Stanley Pringle at LA Tenorio. Ibabandera ng TNT ang malupit nilang reinforcement na si Terrence Jones at si point guard Jayson Castro. (ATD)