Lalaking ulila kaya gusto ng sumuko sa buhay

Dear Roma,

Ako si Jerikson, 19 years old. Napakarami kong problemang kinaka­harap. Mula nang ma­matay ang mga magulang ko sa magkasunod na ta­on, pakiramdam ko, pa­san ko na ang buong mun­do. Gusto ko nang sumu­ko sa buhay, pero sinusu­bukan kong patatagin ang loob ko sa tulong ng ilang malalapit kong kaibigan. Hihingi ako ng payo sa inyo kung paano gagana­hang mabu­hay. — Jerikson

Jerikson,

Sadyang masakit ang pagkawala ng mga magu­lang, lalo na sa edad na hindi ka pa lubusang stable sa buhay. Alam mo, ‘tol, hindi solusyon ang pagsuko sa anu­mang problema. Hindi tayo binigyan ng anumang pagsubok na hindi natin ma­kakayanan, kaya panigura­dong matata­pos din ang mga ‘yan. Kung susuko ka, sa tingin mo ba matutuwa ang mga magu­lang mo? Napakaraming isi­nakripis­yo ng magulang mo para sa iyo at panigu­ra­dong uma­asa silang magpa­pakatatag ka at tutuparin mo ang mga pangarap nila para sa iyo. Kapit lang, ‘tol! Tiwala lang, malalagpasan mo rin ang lahat ng ‘yan!

God bless you!