Mga nambabatikos kay P-Digong, mamatay na raw lahat | Ipe, todo-papansin na, wa’ pa ring puwesto!

PABLO L. HERNANDEZ III / PRANGKAHAN

PAGPAPAPANSIN KAY P-DU­TERTE, ITINODO NA NI PHILLIP SALVADOR — Itinodo na ni Phillip “Ipe” Salvador ang pagpapapansin kay P-Duterte nang sabihin nitong da­pat na raw mamatay ang mga kriti­ko o nambabatikos sa pangulo.

Itinodo na niya ang pagpapapansin kasi ang tagal na niyang nagsisipsip kay P-Digong, pero hanggang ngayon, wala pa siyang puwesto sa gobyerno, ha-ha-ha!

◘◘◘

CONG. CAYETANO, HINDI TYPE NINA “PULONG” AT SARA NA MAGING HOUSE SPEAKER —Muntik nang maunsiyami ang am­bisyon ni Taguig City Rep. Alan Peter Cayetano na maging House Speaker dahil hindi pala siya ang type ng mag-utol na sina Davao City 1st Dist. Rep. Paolo “Pulong” Duterte at Mayor Sara Duterte-Carpio na maging boss ng Kongreso kundi si Davao City 3rd Dist. Rep. Isidro Ungab.

Pasalamat siya, nagbanta si P-Du­terte na iisnabin daw ang sarili niyang SONA kung hindi si Rep. Cayetano ang magiging Speaker.

Kasi kung walang naganap na pag­babanta , malamang, ang “manok” ng mag-utol na sina “Pulong” at Sara ang naging boss ng Kongreso at hindi siya, period!

◘◘◘

SABLAY ANG PAGPAPASEKSI NI SEN. HONTIVEROS SA SONA —Sablay ang ‘pagpapaseksi’ ni Sen. Risa Hontiveros sa kasuotan niyang pi­naikling Filipiniana dress na kita ang kanyang legs sa picture-taking sa Se­nado at SONA ni P-Duterte.

Mantakin n’yo, siya ang author ng “Anti-Bastos Bill” na isinabatas ni P-Duterte, tapos ngayon ay naba­bastos siya ng mga netizen sa social media dahil lang nagsuot siya ng da­mit na kita ang kanyang legs, boom!

◘◘◘

RAKET NINA “ELMO” AT “ROMY” SA TUGUEGARAO, ‘UN­TOUCHABLE’? — Patuloy daw na namamayagpag ang raket na “Dice 68” nina “Elmo” at “Romy” sa Bgy. Don Domingo at Bgy. Centro sa Tu­guegarao City, Cagayan.

Kung ganu’n, “untouchable” pala ang raket ng mga iligalistang ito sa jurisdiction nina PNP-Region 2 Di­rector Brig. Gen. Jose Mario Espino, Cagayan PNP Director at Col. Igna­cio Cumigad, buwisit!