High-tech na tayo, para iwas-korup | Pagkuha ng clearance, permit etc., dapat instant na
HANGGANG ngayon, problema pa rin ng mamamayan ang kumplikadong transaksiyon sa mga ahensiya ng gobyerno kung saan marami ang nagrereklamo na madalas ay inaabot na sila nang siyam-siyam, pero may mga dokumento pa rin silang hindi nakukuha tulad halimbawa ng clearance at permit.
Kaya sa naganap na State of the Nation Address (SONA) ni Pangulong Rodrigo Duterte, isa ito sa mga tinalakay niya kung saan sinabi niyang dapat maging simple lang ang proseso sa pagkuha ng mga dokumento dahil ang papel ng mga ahensiya ay para mapagaan at makatulong sa publiko at hindi ‘yung sila pa ang nagpapahirap.
Lalo na ngayong moderno na ang panahon at pa-high-tech nang pa-high-tech ang mga gadget na dapat nating mapakinabangan hangga’t puwede pa.
Gayunman, matatandaang, ginawa ng batas ng pangulo ang “ease of doing business” sa bansa para mapuksa ang red tape at mapabilis ang transaksiyon sa mga ahensiya ng gobyerno, pero tila hindi ito sapat para tumigil ang pamahalaan para ayusin ito.
Kaya para sa ikagagaan at ikaaayos ng lahat, itigil ang korupsiyon.
Ayusin ang serbisyong ibinibigay sa publiko!
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments