‘Di lang ang pagpupuyat... LAGING PAGTE-TAKE-OUT NG PAGKAIN, MADALING MAKAMATAY

KUMUSTA na ang kalusugan ninyo, mga beshy? Kaya pa ba? For sure, ma­rami sa inyo ang hindi pa rin nakapag­sisimula ng kanilang planong mag-healthy living kaya ngayong National Nut­rition Month, narito ang ilang healthy eating at healthy habits tips para sa inyo:

1. GULAY. Bagama’t, palagi nating ipi­naaalala sa mga bata na kumain ng gulay, hindi ito sapat dahil dapat ta­yong magsilbing role mo­del. Ayon sa mga eks­perto, samahan ng gulay ang bawat meal. Puwe­deng ginisa, sinabawan, stir-fried, steamed o fresh. Ma­gandang makasa­­nayan ito dahil ‘ika nga nila, ka­pag may gulay, mas ma­kulay ang buhay.

2. PASS SA TAKE­OUT. Kapag de­sidido ka nang mag-healthy living, dapat mong baguhin ang mga naka­sanayan mo pagdating sa pagkain. Kung ma­hilig kang mag-takeout sa fastfood at mag-instant food, it’s time to make a switch, beshy! Bagama’t, convenient ito para sa atin, mas mabuting maghanda ng home-cooked meals mula sa almusal, packed lunch at dinner. Oks lang kung hindi ka pa confident sa luto mo dahil sa panahon ngayon, madali mo itong matu­tutunan dahil sa mga simple recipe at tutorial na makikita mo sa internet. Ga­yun­din, kung ikaw ang maghahanda ng ka­kainin mo, tipid na, healthy pa!

3. MAGSIMULA NANG MAG­KAKASAMA. Mahirap talagang mag­simulang mag-healthy eating kung ang mga kasabay mo sa hapag ay nag-uulam ng ma­tataba at mamantikang pagkain. Kung hindi ka madaling matukso, oks lang pero, kung oo, besh, baka it’s time para magsolo ka muna. Hindi naman ito nakasisira ng friend­ship, pero, kung kaya mo silang impluwen­siyahan, why not, ‘di ba? Gayundin, puwede mo itong simulan sa inyong pamilya at baka ang ‘getting fit together’ ang maging goal ninyo.

4. GALAW-GALAW, ARAW-ARAW. ‘Ika nga nila, madaling sabihin pero, mahirap gawin. Kung patuloy tayong maniniwala rito, paano tayo gaganahang mag-ehersisyo? Hin­di natin kailangan ng gym subscription o ma­maha­ling gear at equip­ment para makapag-exercise. Ang pinakama­daling pu­wedeng gawin ay magla­an nang 15 minuto para ma­kapag-ehersisyo bawat araw. Imbes na mag-stalk kay crush sa soc­med, mag-exercise ka na lang para siguradong may maganda itong resulta. Okie?

5. MAGKA­RO­ON NG SAPAT NA TU­LOG. Sabi nila, sleep is for the weak. Pero, hindi sineser­yoso ng karamihan na ang tulog ay may ma­laking factor sa ating ka­lusu­gan. Ito ay dahil kapag kumpleto ang tu­log natin, nagiging produktibo at malik­­hain tayo sa trabaho, gayundin, maganda ang ating mood. Kaya, mga beshie, siguraduhin ninyong makakukuha kayo ng sapat na tulog upang ma­kapag-function nang tama kina­bukasan.

6. GAMITIN ANG MGA PAA. Kung hindi ka pa handang maglaan nang 15 minuto para mag-exercise, gawin mo ito. Kung isa hanggang dalawang kanto lang ang layo, la­karin mo na lang, besh, huwag ka nang mag-tricycle o jeep dahil bukod sa sayang ang pama­sahe, sayang din ang kaunting ehersisyo. Ang paglalakad araw-araw ay maaaring maging ehersisyo pero, make sure na may dala kang payong para ready ka kung sakaling umulan.

Mga besh, alam nating hindi madaling mag-adjust sa anumang bagay. Pero, kung sisimulan natin ito sa maliliit na hakbang at kung magiging disiplinado tayo siguradong ma­giging matagumpay ito. Nutrition month man o hindi, dapat manatili tayong healthy para sa ating ikabubuti. Copy?