Besh, mahilig ka ba sa horror movies? PAGIGING LAGING TAKOT, MASAMA SA KIDNEY

ARAW-araw, hindi natin alam kung kailan magbabago ang ating emosyon dahil nakabase ito sa mga nararanasan natin o kaya ay sa mga taong nakasasala­muha natin. Pero, knows ba ninyo na ang mga emosyong ito ay may masasamang naidudulot sa organs na mayroon tayo sa ating katawan?

Alamin natin kung paano naka­aapekto ang emosyon sa ating kalusugan:

1. GALIT. Hindi lang alak ang nakasasa­ma sa liver kundi ma­ging ang pakiramdam ng pagiging galit, ito ay dahil nakaa­apek­to ito sa circulation ng dugo kung saan maaari rin tayong magkaroon ng head­ache, neck pains at vertigo.

2. LUNGKOT. Kung inaakala natin na pa­ninigarilyo lang ang nakasasama sa lungs, nag­kakamali tayo dahil ang pagiging ma­lung­kot ay maaari ring maging sanhi para humina ang ating mga baga sa kadahilanang mas hu­mihina ang function ng ating pag­hinga dahil sa lungkot na ating nadarama.

3. PAG-AALALA. Sa mga suki ng stomach pain diyan, baka hindi na impatso o acid reflux ang inyong nararamdaman dahil ayon sa mga eksperto, ang pag-aalala ay nakasasama sa tiyan na nagreresulta para ito ay mag-alburoto. Tsk!

4. STRESS. Halos lahat tayo ay nai-stress sa iba’t ibang kadahilanan at ito ay hindi maganda para sa ating kalusugan dahil nakapagpapahina ito ng puso at utak. Kaya kung ayaw nating ma-heart attack, make sure na iiwasan natin ang madalas na pag­ka-stress.

5. TAKOT. Ang pa­giging takot ay nakasa­sama sa kidney, kaya para sa mga beshy natin diyan na mahilig ma­nood ng horror mo­­vie, pero scared na­man, alam n’yo na, ha?

Ngayong alam na natin ang mga ito, make sure na hindi tayo basta-basta mag­papadala sa stress na ating nararamdaman nang sa gayun ay hindi nito maapektuhan ang ating mood.

Kung gusto nating maging healthy, magkaroon tayo ng pakialam sa feelings ng nakararami.

Okie?