Ibalik ang GMRC, ibalik ang disiplina sa mga estudyante

Kabataan ang pag-asa ng bayan.

Ito ang pinaniniwalaan ng karamihan pero, nawalan na ng pag-asa ang ilan.

Dahil pataas nang pataas ang bilang ng kri­men na kinasasangkutan ng kabataan, marami ang nababahala.

Nang mawala ang Good Manners and Right Conduct (GMRC), dalawang beses kada linggo itinuturo ang Edu­kasyon sa Pagpapakatao na ipinalit dito.

Hirit ng mga guro, kulang pa ito kaya maraming mag-aaral pa rin ang nagiging pasaway.

Inihihirit sa Kongreso na ibalik ang Senate Bill No. 310 o GMRC Act na layong isama sa K-12 curriculum gamit ang mother tongue o salitang kinasanayan ng bata.

Tumaas umano ang kriminalidad sa bansa mula nang mawala ang GMRC, gayundin, kapansin-pansin umano ang pagiging pasaway, bastos at pagkawalang-disiplina ng mga estudyante.

Marami ang pabor sa pagbabalik ng GMRC bilang sub­ject upang maturuan ng disiplina at kagandahang-asal ang kabataan.

Bagama’t, hindi pa ito naibabalik, hindi tayo dapat umasa lamang sa subject na ito upang maging mabuting mama­mayan ang kabataan.

Ang disiplina at magandang asal ay dapat unang ma­tutunan sa tahanan kung saan tayong mga magulang ang responsable rito.