Ayon kay P-Digong | 4TH SONA, MAS MAIKLI

KASADO na ang ta­lumpati ni Pangulong Rod­rigo Duterte para sa kanyang ikaapat na State of the Na­tion Address (SONA) bukas, July 22 kung saan ang Pu­nong Ehekutibo mismo ang nag-edit ng kanyang speech sa isinagawang rehearsals sa Malacañang noong Biyernes ng gabi.

Ayon kay Communica­tions Secretary Martin An­da­nar, si Pangulong Duterte mismo ang laging nag-e-edit ng kanyang talumpati sa SONA mula nang maluklok ito sa kanyang posisyon noong 2016.

“So far, ‘yung ating State of the Nation Address pre­parations ay on its full swing. At for the past three years siya talaga ang nag-e-edit ng speech,” ani Andanar.

Nabatid na binawasan ng pangulo ang kanyang talum­pati na sa halip na 28 pahina ay ginawa na lamang itong 19 pahina.

Katuwang ng pangulo sa kanyang practice sina dating Special Assistant to the Pre­sident at ngayon ay Senador “Bong” Go, Presidential Spokesperson Salvador Panelo, Undersecretary Mel­chor Quitain, Sec. An­danar, Radio TV Malaca­ñang Director Demic Paba­lan at Director Joyce Bernal sa Rizal Hall ng Palasyo.

Una nang sinabi ni An­danar na tatagal ng mula 45 hanggang 50 minuto ang ta­lumpati ng pangulo kung hin­di mababago ang nakahan­dang speech nito.

Sinabi naman ni Cabinet Sec. Karlo Nograles na nais la­mang sabihin ng pangulo sa kanyang SONA kung ano ang nilalaman ng kanyang puso.

Kilala si Pangulong Du­terte sa mahabang talumpati at una na nitong sinabi na sa kanyang SONA bukas ay tu­turuan niya ang kanyang mga kritiko sa isyu ng South China Sea.

Matatandaang, tumagal ng isang oras at 32 minuto ang unang SONA ng pangulo noong 2016 habang ang ika­lawa ay nasa dalawang oras ngunit, noong nakalipas na taon ay nasa 48 minuto.