11 kulong sa droga

NASA 11 hinihinalang sangkot sa iligal na droga ang arestado sa magkahiwalay na drug operation ng mga pulis sa Navotas City.

Ayon kay Navotas Po­lice Chief P/Col. Rolando Ba­lasabas, alas-12:00 ng ha­tinggabi nang madakip ng mga operatiba ng Station Drug Enforcement Unit sa pangunguna ni PLt. Eric Roxas sa buy-bust operation sa koordinasyon sa PDEA sa JB Santos St., Bgy. Tangos South si Jowel dela Fuente, 44, magkakapatid na Rosa­linda, 45; Jenica, 23, at Adriano Ordoñez, 30.

Narekober sa mga sus­pek ang 12 sachets ng hini­hinalang shabu, P200 buy-bust money at maliit na tup­perware.

Nauna rito, alas-9:40 ng Biyernes ng gabi nang ma­hulihan din ng mga operatiba ng SDEU sa pangunguna ni PLt. Roxas na nagsasagawa ng surveillance operation at validation activities sa Mi­guel St. ng tig-isang sachet ng hi­nihinalang shabu sina Kassie Palmares, 31; Enrico Sis­mun­do, 37; Jeffward Alam­bra, 21, at Abundio To­ledo, 23.

Timbog din ng mga operatiba ng SDEU sa buy-bust operation sa koordinas­yon sa PDEA sina Alden Pe­jerano, 43; Jun-Jun Nac­man, 24, at Rosauro Jose, 39, sa NBBN, alas-4:45 ng madaling- araw.

Ani SDEU Investigator PCpl. Eldefonso Torio, na­rekober sa mga suspek ang limang sachets ng shabu at P300 buy-bust money.