Babala ng WHO | PEKENG ANTI-RABIES, KALAT NA

NAGLABAS ng ‘Global Medical Product Alert’ ang World Health Organization (WHO) laban sa iba’t ibang bakuna kontra rabies.

Kabilang dito ang Verorab, Speeda at Rabipur at isang falsified anti-rabies serum na Equirab na kumakalat sa Pilipinas.

Kaugnay nito, pinag-iingat ng WHO ang mga bansa na maaaring may bentahan ng mga nabanggit na produkto.

Dagdag ng WHO, kailangang mas paigtingin pa ang pagmamatyag lalo na sa mga ospital, klinika, health center, botika at wholesaler, supplier at distributor ng mga bakuna.

Kung may nakitang mga produkto na binanggit, sinabi ng WHO na huwag itong gamitin at agad na i-report sa mga awtoridad.

Kapag naman nagamit na ang mga pekeng produkto na nagkaroon ng masamang epekto sa katawan, agad magpakonsulta sa mga doktor at tiyakin na i-report ang insidente sa Food and Drug Administration Philippines.