Nabulgar, mga mangingisdang Pinoy pinaaatras ng Navy sa reklamo vs. China, tsk-tsk-tsk!

PABLO L. HERNANDEZ III / PRANGKAHAN

SP “TITO” SOTTO, NASINDAK KAY REP. CAYETANO SA BAN­TANG TAT­LONG TA­ONG TERMINO SA MGA SENADOR? —Nagpahayag ng suporta si Senate Pres. Vicente “Tito” Sotto III sa pagiging House Speaker ni Taguig City Rep. Alan Peter Caye­ta­no at ayon sa kanya, magi­ging mabuting li­der daw ito ng Kongreso.

Siguro, nasindak si SP Sotto sa banta ni Rep. Caye­tano na isu­sulong niyang gawing tatlong taon na lang ang termino ng mga sena­dor kaya todo-sipsip na ang lider ng Senado sa incoming Speaker of the House, boom!

◘◘◘

IMBES NA SU­POR­­TAHAN NG NA­VY ANG MGA MANGI­NGISDANG PINOY, PINA­ATRAS PA SA KASO —Ibinulgar ng dala­wang mangingis­dang Pinoy na ilang opis­yal daw ng Philippine Navy (PN) ang nagtungo sa kanila at kumumbinseng iatras ang isinampa nilang reklamo sa Supreme Court (SC) laban sa mga Chinese na kumu­kuha ng mga likas na yaman sa dagat ng Pilipinas.

Imbes na suportahan ng PN ang mga mangi­ngisdang Pinoy sa is­yung ito dahil silang mga Navy ang tagapag­tanggol sa karagatan ng Pilipinas laban sa mga nanghihimasok na dayu­han, sila pa ang nag­sabi sa mga ito (mangingis­da) na iatras na ang reklamo laban sa China, buwisit!

◘◘◘

PULSE ASIA AT SWS, TAGA-DAMAGE CONTROL NG GOB­YERNO? — Nang apru­ba­han ng United Nations on Human Rights Council (UNHRC) na imbesti­ga­han ang EJK (extrajudicial killings) sa Pilipinas, agad naglabas ng survey ang Pulse Asia na kesyo 85% daw ang itinaas ng approval and trust rating ni P-Duterte at sa panahon na mainit ang isyu ng pagbangga ng Chinese militia vessel sa bangkang-pangisda ng mga Pinoy sa West Philippine Sea (WPS) ay nagpalabas din ng survey na 80% high performance rating kay P-Duterte.

Dahil d’yan, tila luma­labas na ang misyon ng mga survey firm ay taga-damage control ng mga kasira­an ng gobyerno, period!

◘◘◘

MINI-CASINO SA PALENGKE NG LA TRINIDAD, BEN­GUET — May nag-o-operate raw ng mini-casino sa palengke ng La Trinidad, Benguet.

Kailan kaya ipato­tok­­hang ni Mayor Romeo Salda sa PNP ang nagpapa-mini-casino sa La Trinidad? Abangan!