Mag-uutol na 7, 10 at 12 sex slave ni uncle

KULONG ang isang lalaki makaraan uma­nong gawing sex slave ang tatlong pamangkin sa Valenzuela City.

Kinasuhan ng multiple counts of statutory rape ang suspek na si Jolie Hagonoy, 24, ng Bgy. Silagon, Catar­man, Northern Samar.

Napag-alaman na mula noong June nang simulan ng suspek ang panghahalay sa magkakapatid na sina ‘Li­gaya’, 10; ‘Marimar’, 12, at ‘Diana’, 7, sa loob ng kani­lang bahay sa Bgy. Ugong, na umabot hanggang July.

Una umanong paulit-ulit na ginahasa ng suspek sina ‘Ligaya’ at ‘Marimar’ habang si ‘Diana’ ay dalawang beses namang inabuso.

Kampante ang suspek na walang nakaalam sa kan­yang pang-aabuso sa mga pamangkin hanggang sa isang nagmalasakit na ka­pitbahay ang nagpadala ng text messages sa saksing si ‘Lily’ na nagtanong naman sa magkakapatid.

Dito na isiniwalat ng mga biktima ang kahalayang gi­nagawa ng kanilang tiyuhin dahilan upang agad humingi ng tulong si ‘Lily’ sa Valen­zuela Police Community Pre­cinct 8 na nagresulta sa pagkakaaresto sa suspek.