Waiter pinatay sa bar

ILOCOS SUR—Isang waiter ang namatay nang barilin ng hindi kilalang armadong salarin, kamakalawa sa loob ng bar sa bayan ng Sto. Domingo sa lalawigang ito.

Ang biktima ay nakilalang si Marlon Aglibot, nakatira sa nasabing bayan.

Ayon sa ulat, habang nasa loob ng pinapasukan bar si Aglibot ay binaril ito ng suspek.

Iniimbestigahan na ng pulisya ang naganap na krimen at isinasailalim sa imbestigasyon ang kaibigan nito upang mabatid kung may kinalaman ito sa pagpatay sa biktima.