BLAZE SPIKERS AT TORNADOES, PANGMALAKASAN ANG BANAT

MAGPATATAG ng momentum ang asam ng defending champion Petron sa sandaling makasagupa ang Generika-Ayala sa pagsisimula ng 2nd round ng Philippine Superliga All-Filipino Conference ngayong Martes sa Bacoor Strike Gym.

Hawak ng Blaze Spikers, ang solo second place na may 6-1 win-loss record at pakay ang ika-5 straight victory kontra Lifesavers (5-2) ng 7 p.m. main game.

Samantala, asam din nina Jaja Santiago at Foton (4-3) na makuha ang ika-4 na sunod na panalo kontra bumabagal na Sta. Lucia (1-6) sa unang laro ng 4:15 p.m. Matapos pitpitin ang Lady Realtors sa nakaraang laro sa Alonte Sports Arena sa Biñan City ng nakaraang weekend, kumbinsido si Petron mentor Shaq Delos Santos na bawal na sa kanila ang mabagal at handa na silang humalimaw para sa ikatlong straight All-Filipino crown.

Kailangan ng mga veteran core na sina Frances Molina, Aiza Maizo-Pontillas, Bernadeth Pons, Mika Reyes at Rhea Dimaculangan na patibayin ang performance para dominahin ang Lifesavers, na nanggaling sa mahusay na performance sa first round. Sa nakaraan nilang engkuwentro, niresbakan ng Lifesavers ang PLDT Home Fibr, 27-25, 16-25, 25-18, 25-13 mula sa three-set losses sa Petron ng nakaraang linggo.

Hinikayat ni Lifesavers coach Sherwin Meneses ang kanyang bataan sa pamumuno nina Angeli Araneta, Fiola Ceballos at Patty Orendain na mas maging kumpiyansa kontra Blaze Spikers, na dinodomina ang liga sa nakaraang ilang linggo. “They shouldn’t play with low morale because this is the first time that we finished third in the first round,” ayon kay Meneses. “Before we started slow, but now is a good time to be confident. We have to triple our effort against title contenders like Petron and F2 Logistics because we couldn’t even get a set against them. We’ll try again against Petron.” (VA/MC)

Team Standings: F2 Logistics 7-0; Petron 6-1; Generika-Ayala 5-2; Foton 4-3; Cignal 3-4; PLDT 2-5; Sta. Lucia 1-6; Marinerang Pilipina 0-7

Laro Ngayon: (Bacoor Strike Gym)

4:15 p.m. - Foton vs Sta. Lucia 7:00 p.m. - Petron vs Generika-Ayala