Nairita sa mga nagtatawanan, pumatay

DEDO ang isang lalaki makaraang saksakin sa dibdib ng hindi pa nakikilalang suspek sa Westbank Floodway, Bgy. San Andres, Cainta, Rizal.

Sa inisyal na ulat, pasado alas-2:00 ng madaling-araw, kasama ng biktimang si Lando Dacalos, ang kanyang mga kagrupo.

Habang patuloy umano ang kanilang kuwentuhan at may kasama pang tawanan at halakhakan nang biglang nakihalubilo sa kanila ang suspek.

Kinompronta umano nito ang biktima dahil sa ingay ng mga ito.

Maya-maya pa ay nag-init ang ulo ng suspek sabay kuha ng kanyang patalim saka pinagsasaksak ang biktima sa iba’t ibang bahagi ng katawan.

Mabilis namang tumakas ang salarin at dali-dali pang dinala sa pagamutan ang biktima subalit, binawian din ito ng buhay.