PACMAN TATAPUSIN NI THURMAN ANG BOXING CAREER

BINALAAN ni World Boxing Association (WBA) welterweight champion Keith “One Time” Thurman si Filipino boxing champ Manny “Pacman” Pacquiao na tatapusin nito ang kanyang karir sa paghaharap nila para sa titulo sa MGM

Grand, Las Vegas, Nevada sa Hulyo 20.

Sinabi ng undefeated champion na may 29-0 at 22 KOs, na plano niyang dalhin sa pagreretiro ang eight division champion at gumawa ng sarili niyang pangalan sa mundo ng boxing. “This is a once in a lifetime opportunity to destroy a legend and create my own legacy,” determinadong pahayag ni Thurman. “How can I not go for it? I’ve got an ‘0’ and I’m not afraid to let it go,” dagdag pa nito.

Una nang ipinagmalaki ng mas batang boksingero na 30-anyos na kaya niyang tapusin ang mas may edad nang Filipino icon na 40-anyos, sa loob lamang ng 6 rounds.

Iginiit nito na mas magiging agresibo siya at susubukang maipatama ang pamatay na suntok nito sa pambansang kamao upang manatiling kampeon sa kanyang dibisyon. “This is Manny Pacquiao. It’s a tremendous feeling and it’s going to feel even greater when my hand is raised at the end of the night,” wika nito. Gayunpaman, malaki pa rin ang respeto nito kay Pacquiao (61-7-2, 39 KOs) na lalong nagpabilib sa kanya sa mga nakalipas nitong laban. “He wants to prove his greatness. He’s still reaching for greatness at the age of 40 and it’s admirable,” ani Thurman. “I was impressed by his performance against Adrien Broner. It was inspiring. After watching him, I got out into the streets and ran at one in the morning. Because I just watched a 40-year-old man beat a much younger man. Manny has done so much, but he wants to do more,” dagdag nito. “I want to do more too, and on the 20th I want to show you more.”