Kelot niratrat ng riding-in-tandem

UTAS ang isang lalaki na sangkot sa pamamaril ma­ta­pos siyang pagbaba­rilin ng riding-in-tandem sa isla ng Mactan sa Cebu.

Biyernes ng umaga nang tinambangan at mapatay ang 56-anyos na pedicab driver na si Romeo Calunod sa bayan ng Cordova.

Napag-alamang hinatid lamang ni Calunod ang pa­­mang­kin nito sa Upper High­way sa Bgy. Pilipog at pa­uwi na ito nang sundan ng dalawang lalaking nakasa­kay sa motorsiklo.

Ayon kay Police Master Sergeant Marvin Ando, dead-on-the-spot ang bik­tima nang mapuruhan ng bala sa kanyang dibdib at ulo nito.

Sinasabing ganti ang umano’y motibo sa pag­pa­tay kay Calunod na nabatid na suspek din ito sa pama­maril, may 10 taon na ang nakalipas.